O le faaauauina o le tagofia o le mataupu e uiga i le faatuatuaina o le taitaiga a le Palemia,
atoa ai ma le faatuatuaina e le Palemia o afioga i Minisita Lagolago, latou te galulue faatasi,
sa faapogai i le iloiloina o tofiga o afioga i Minisita Lagolago o le Kapeneta i lenei vaiaso.
Ma, e tusa ai ma le vaega 3(b) o le Tulafono o Failautusi Faapalemene 1988, ua taunu’u ai le
Palemia i lana faaiuga e faamuta tofiga Minisita Lagolago o afioga i Sui Usufono o le
Palemene ua faailoa atu i lalo, e amata faamamaluina i le asō, Aso Faraile 17 Ianuari 2025.
i. Tagaloatele Pasi Poloa – Minisita Lagolago o Pisinisi Alamanuia ma Leipa.
ii. Fuiono Tenina Crichton – Minisita Lagolago o Fesootaiga ma Faamatalaga
Tekonolosi.
iii. Maiava Fuimaono Tito Asafo – Minisita Lagolago o Faatoaga ma Faigafaiva.
iv. Seuamuli Fasi Toma – Minisita Lagolago o Tina ma Tamaitai.
v. Hon. Tuu’u Anasi’i Leota – Minisita Lagolago o Leoleo, Falepuipui ma Ola Toe
Fuataina.
vi. Agaseata Valelio Tanuvasa Peto – Minisita Lagolago o Aoga ma Aganuu.
vii. Tea Tooala Peato – Minisita Lagolago o le Soifua Maloloina.
viii. Magele Sekati Fiaui – Minisita Lagolago o Tupe, na muai tofia o le Minisita
Lagolago o Fesootaiga ma Faamatalaga Tekonolosi.
ix. Foisala Lilo Tu’u Ioane – Minisita Lagolago o le Soifua Maloloina.
x. Fesolai Apulu Tusiupu Tuigamala – Minisita Lagolago o Faamasinoga ma Tulaga
Tau Faamasinoga.
xi. Ale Vena Ale – Minisita Lagolago o Tiute ma Tupe Maua.
xii. Masinalupe Makesi Masinalupe – Minisita Lagolago o Tiute ma Tupe Maua.
xiii. Manuleleua Paletasala Tovale – Minisita Lagolago o le Palemia ma le Kapeneta.
O le tofiga Minisita Lagolago o Fepuleai Faasavalu Faimata Su’a na faamuta i a Novema
24, 2023.
O loo faaauau pea galuega ma matafaioi a le Pulega Faatonu i le taitaiga a le afioga i le
Palemia – Fiame Naomi Mataafa, ma le Kapeneta.
O le mataupu i le faatuatuaina po o le lē faatuatuaina o le taitaiga a le Palemia, e fitoitonu
lea i le Palemene o Samoa, ma e le faia e le Vaega Faaupufai.