(So’o’upu a le Mālō): E le’o le taimi muamua lenei ua agalelei ai le Sosaiete o Tautua
Puapuagā o Tagata (T.P.T.) i le Mālō tauala atu i le Matāgaluega o le Soifua Mālōlōina.
E $70,000 le foa’i i le asō a lea Sosaiete, ma ua tu’uina atu i ‘ā’ao o le afioga i le Minisitā iā
Valasi Luapitoifanua To’ogamaga Tafito Selesele i lona vaevaega e pei ona saunoa ai le
Peresetene o le Sosaiete, le Faletua iā Teki Uilelea e fa’apea;
       $10,000 mo auaunaga a le Maota Gasegase i Moto’otua,
       $10,000 mo auaunaga a Falema’i i Savai’i,
       $30,000 mo le Falema’i Fa’amamā Toto (N.K.F.) i Moto’otua,
       Ma le $20,000 mo le Falema’i Fa’amamā Toto (N.K.F.) i Tuasivi, Savai’i.
Na saunoa fa’afetai le afioga i le Minisitā e fai ma sui o le Mālō, i le agalelei ma le alofa
tula’i o Faletua o le Sosaiete a le T.P.T. mo le auaunaga a le Soifua Mālōlōina auā i latou ua
fa’ata’otolia i ma’i o le tino, fa’apitoa i e ua a’afia i gasegase o fatuga’o po’o ua fa’amamā le
toto (tulou).