Faatalofa ma faafeiloai atu i lau afioga Tuaopepe poo lau tofa foi Asiata. Susuga
i le faiaoga ma Taitai Malaga, aemaise o ā outou susuga o le a fai ma avefu’a a
Samoa i lenei tauvaga.
Manatu i o outou sā ma mamalu o le a taalolo, auā e le gafataulimaina i se upu a
le minisita, e le tuutuu māmāoa foi tua sa’u faamatalaga, ona e popole ma
manumanu i le taimi e alu ma le taimi e sola.
Faamalo tapena, malo le taumafai, malo foi onosai, auā e le faigofie lenei foi
faagatama ma lona natula.
Fai lou leo ma fofoga o le Taitai o le Malo, le afioga i le Tamaitai Palemia ma le
Kapeneta, e faaleo se lagona ao outou sauni atu i le faamoemoe.
• Manatu o lea ua maea a outou tapenaga i le malosi o le tino e tatau ma
talafeagai mo le faamoemoe.
• tapenaga e ala i tomai ma metotia eseese i le faatinoina o le taaloga.
• Aemaise o le aoaoina o le mafaufau i le fetaiai ai ma luitau i le taimi o
taaloga, ma nofoaga o le a faamautū ai.

O tapenapenaga o ananafi, e fua iai le taunuuga o le asō, ae o tapenaga o le
asō, e fua iai le maualuga o le tulaga e ausia ā taeao.
O upu a le Tusi, e toatele e valaaulia, ae toaititi i latou o e filifilia, mai le atunuu e
luaselau afe lona faitau aofai, ua filifilia mai ai se vaega ititi o outou e fai ma sui o
le atunuu.
O le tatalo a le Malo,
• IA MANUINA O OUTOU FAIVA, IA POULIULI OUTOU TINO AE IA
MALAMALAMA OUTOU ALA.
• IA FAATUATUA I LE ATUA O LE ANA LE MALOSI UMA LAVA,
• FAI MEA UMA TOU TE MAFAIA, ONA FAAATOATOA LEA E LE ALII O VAEGA
UMA O TOTOE.

Ua outou masani i le faitau foi lea, e leotele atu galuega nai upu ma faamatalaga,
e le o silafia e le atunuu lo outou tautiga i le mamafa o tapenaga, ae o le a
faamatala ma momoli atu le feau, pe a outou foi mai ma faamanuiaina i ni PINE,
auā tapuaiga a le atunuu.
Mamalu o le Pulega ma le tatou au, tautuana le igoa pele o Samoa o loo outou
malaga ma outou, mafaufau ma le faautauta, ao lei faia ni faaiuga.
Faamanuia le Atua i le faimalaga atu ma le Faamoemoe.
Soifua ma ia Manuia…………