FOLASAGA MUA
Lau Susuga le taitai o le Sauniga lau Susuga Apelu Semu ma
Aufaigaluega Paia. Manatu o lea ua ma'ea nei ona tōtō le niu i le tua'oi
e tapui ai lo tatou va ma Le Atua, aua o lea ua tatou 'oa'oa i Faleseu talu
lona alofa ma lona agalelei ua momoli saogalemu mai ai lo outou soifua
ma so matou ola i lenei faamoemoe sa lupe. O lana ta'ita'iga foi ua 'iu
manuia ai le tauasu i le sasaga, ina ua atoa tino o Vaatausili i lenei
galuega taua ua mae'a. Faafetai i le gapatia a lua susuga i le faafeagaiga
ma ia saga faamanūina lona Suafa Paia ma faamanuia le Atua i lua
Susuga.
PAIA
Ua paia ma maualuga le asō, aua o lea ua Afio ‘Afualo ma le To’afa,
Alalata’I fo'i lau fetalaiga Fa’imanu o le fofoga o Usoali’I ma ‘upui le
Alataua.
Lea fo’iua afifio atu paia fa’alemalo Minisita Lagolago, taitaifono ma
Komiti mamalu o le Pule faatonu, Fa’auluuluga o Matagaluega.
O paia ma mamalu na ua mamalu taufeagai ai lenei aso.
TALA O LE GALUEGA
O le auala fou lenei ua ma’ea ona toe faaleleia ma fausia i lona tulaga
mautū e aofia ai ma alavai e tafe agai i ai le vai to'a pe a mamafa
timuga.
O lenei galuega sa fausia ma mulimulita'i i luga o aiaiga ma faiga faavae
o galuega faatino o auala tetele a le tatou Malo.

2
Sa faatauofoina faalauaitele e le Malo lenei galuega i le masina o
Oketopa 2020, mo le sailiaai o se kamupani e faatinoina lenei galuega.
I le mae'a ai o le iloiloga a le Komiti, ma tuuinamaiai le fautuaga e
tuuinaatuleneigaluegai le kamupania leFICO Construction Ltd., i le tau e
$372,139.43 SATinauafaamalieinauma vaega sa tuuina mai i le
tauofoga.
O le aso 19 Ianuari 2021nasainiaailoa le konekaratea le FICO
Construction Ltd. ma le tatou Malo, ma amatalia ai loa le faatinoina o
lenei galuega tele.
O le auala ua mae’a fausia e:-
● 1kilomita le umisafausiaae500 mitasavalitaina.
● 4.5 mita le lauteleua vali taina faatasi ai ma le fausiaina o alavai.
Sa faatupeina atoa lenei galuega i lalo o vaega tupe ua faaagaga mo
galuega tetele a le tatou Malo.
UPU FAAI’U
Momoli atu le faafetai tele a le Malo i le pulega faamalumalu a Alii ma
Faipule o lo tou Afioaga. Faamalo i lo outou onosai i tulaga uma sa
faalavelaveina ai lo outou mamalu, i taimi sa faatinoina ai lenei galuega.
E momoli atu foi le faafetai i le mamalu o le atunuu, i lo outou onosaia
o nisi o faafitauli sa tula’i mai a o faagasolo ai lenei galuega tele ua
mae’a nei.
Faafetaia foi lau Susuga i le Papalii ma le Kamupani a le FICO
Construction Ltd. mo le faatinoina o le galuega matagofie.

3
Faafetaia foi le Pulega o Felauaigai le Lauelelee mo le vaaia lelei ma
mataituina o le faatinoina o lenei galuega.
Se itula silimea le seuga a alii i le faamoemoe. Ia mamao ni aolealea i le
paia ua sasao nei ma ia aomanū lenei aso i le agalelei o le Atua soifua.
Soifua ma ia manuia.