1. FAIGAMALAGA MO LE KUATA MUAMUA O LE TAUSAGA 2021
2. FAIGAMALAGA A VAA MAI SAVAII I LE ASO SA

I lana Fonotaga o le Aso Lulu 6 Ianuari 2021, na talanoaina ai e le Kapeneta le Pepa
PK(21)12 ma faamaonia ai Teuteuga o le Poloaiga mo le Puipuiga o le Covid19 mo
faigamalaga mo le Kuata Muamua o lenei tausaga e toe faafoi mai ai tagatanuu
Samoa o loo totoe i atunuu eseese o le lalolagi faapea le faigamalaga a Vaa mai
Savaii i le Aso Sa:
1. Malaga Togipau mai Toga i le Aso 14 Ianuari 2021
a. O le malaga togipau lenei mai Tonga e malaga ese atu ai
tagatanuu o Toga loo i Samoa nei.2. Malaga Faapitoa mo Seila i le Aso 22 Ianuari 2021 mai Niu Sila
a. O lenei malaga faapitoa ua fuafuaina i le Aso 22 Ianuari 2021 e toe
faafoi mai ai fanau seila a Samoa sa galulue i luga o vaa i atunuu i
fafo. O i latou nei sa fuafua e malaga mai ia Tesema o le tausaga
na tea nei, peitai e lei faataunuuina le faigamalaga lenei mai
Amerika.
3. Malaga Togipau mai Amerika i le Aso 5 Fepuari 2021
a. O le malaga lenei ua fuafuaina e toe faafoi mai ai tagatanuu Samoa
ua uma ona tuli o latou faasalaga (deportees) i Amerika. E
faatupeina uma e le Malo o Amerika.
4. Malaga o le Aso 12 Fepuari 2021 mai Niu Sila
a. E auina mai ai tagatanuu Samoa mai atunuu i fafo.

5. Malaga o le Aso 13 Fepuari 2021 mai Fiti
a. O le malaga togipau lenei mai Fiti e auina mai ai fanau aoga
sikolasipi a Samoa ua maea aoaoga i le USP, PTC ma isi
Misionare ma auina atu ai fanau sikolasipi mo le faaauauina o a
latou aoaoga i Fiti.

6. Malaga o le Aso 5 ma le 26 Mati 2021 mai Niu Sila
a. E auina mai ai tagatanuu o Samoa o loo i atunuu i fafo.
7. Malaga Togipau mo le Auina atu o le Aufaigaluega mai Samoa mo
Galuega Faavaitaimi i Niu Sila
a. Ua fuafuaina malaga mo le auina atu o le aufaigaluega mai Samoa
mo galuega faavaitaimi i Niu Sila i le Aso 17, 21, 25 ma le 29
Ianuari 2021.
8. Malaga mai Savaii i le Aso Sa mo Pasese
a. Le tatala o le malaga e tasi (1) mo le vaa e malaga mai ai i Savaii i
le Aso Sa i le itula e 5:00 i le afiafi mo pasese ma moe ai i
Mulifanua.
9. Le auina mai o le Vaa Fou lau-uta mo Samoa mai Ausetalia ae
mulimulitaia pea aiaiga faasoifua maloloina o iai nei mo le puipuiga o le
atunuu.

E amata faamamaluina o nei suiga i le Aso Tofi 7 Ianuari 2021 seia toe iloilo e le
Kapeneta.
E faatumauina pea isi aiaiga o Poloaiga o Faalavelave Tutupu Faafuase’i na mua’i
tuuina atu.
O lenei faaiuga na faia i lona tulaga faanatinati e tusa ai ma le Vaega 38(1)© o le
Faavae o le Malo Tutoatasi o Samoa.